२५ वैशाख २०८१, मङ्गलवार
रामेछाप– स्थानीय तहमा न्यायिक समितिको व्यवस्था भएसँगै पहुँच बाहिर रहेका नागरिकहरु लाई न्यायको लागि सहज भएको छ । स्थानीय तहमा परेका उजुरी उपर चाँडै न्यायिक प्रक्रिया पूरा हुने हुँदा नागरिकहरूले समयमै न्याय पाएको अनुभूति गर्न थालिएको गोकुलगंगा गाउँपालिका उपाध्यक्ष उषा देवी कार्कीले बताउनु भयो । 
उहाँले रेडियो तिफदीवाट प्रसारित हेल्लो स्थानीय सरकार कार्यक्रममा बोल्दै वडा कार्यालयमै मेलमिलाप समितिको व्यवस्था भएकाले विपन्न र पहुँच बाहिरका नागरिकलाई आफू अन्यायमा परेको कुरा भन्न सजिलो भएको बताउनु भयो । न्यायिक समिति र वडाको मेलमिलाप केन्द्रमा पालिकाका चिने जानेका जनप्रतिनिधिहरू हुने भएकाले मेलमिलाप समितिमा आउन सजिलो भएको उहाँको भनाई छ । 
न्यायिक समितिले अहिले विभिन्न विषयमा सर्वसाधारण नागरिकहरूको उजुरी लिने गरेको उपाध्यक्ष कार्कीले बताउनु भयो । यी विषयमध्ये पनि साँध सँधियार, बाटोपैनी मिचेको र महिला हिंसा सम्बन्धी बढी उजुरी आउने गरेको उपाध्यक्ष कार्कीले बताउनु भयो । न्यायिक समितिले परेका उजुरी उपर न्यायिक निरूपण प्रक्रियामा मेलमिलाप प्रक्रियालाई प्राथमिकता दिएर काम गर्दै आई रहेको उहाँले बताउनु भयो । मेलमिलाप समितिमा परेका उजुरीमध्ये २४ वटा निवेदनको मिलापत्र गराउन सफल भएको र न्यायिक समितिले ९ वटा मुद्धामा निर्णय गर्दै न्याय दिलाएको उहाँको भनाइ छ ।
न्यायिक समितिमा आएका मुद्धाका प्रकृतिअनुसार अदालतमा पठाउनुपर्ने हुन्छ । त्यस्ता मुद्वाहरूलाई जिल्ला अदालत रामेछापमा पठाउने गरेको गाउँपालिका उपाध्यक्ष कार्कीले बताउनु भयो । उपाध्यक्ष कार्कीले गाउँपालिकामा सञ्चालनमा रहेका योजना तथा कार्यक्रमहरू सम्पन्न भएको फाईल पालिकामा प्राप्त हुन साथ भुक्तानी दिइने गरेको बताउनु भयो ।  आफू निर्वाचित भए पश्चात् जनताले दुःख नपाउन् भनेर सबै योजना तथा कार्यक्रमहरू वडा वडा मै गएर सम्झौता गरिएको समेत बताउनु भयो ।  
गाउँपालिकाले गुणस्तरीय वस्तु तथा सेवा प्राप्त गर्ने उपभोक्ताको संवैधानिक अधिकारका लागि गाउँ कार्यपालिकाको कार्यालयले बजार अनुगमनलाई पनि नियमित गर्दै आइ रहेको उहाँको भनाई छ । गोकुलगंगा गाउँपालिकाले महिलाहरुका लागी तरकारी खेती र सिलाई बुनाइ लगायतका तालिमहरू सञ्चालन गरी रहको छ । महिलाहरूलाई ३ महिने सिप मूलक तालिम दिएर कृर्षि औजारहरू र सिलाइ मिसिनहरू समेत दिएको बताउनु भयो ।

कसरी घट्यो दोरम्बा हत्याकाण्ड ? घटनामा बाँचेका ललित भन्छन–पाँच कारणले घटना घटयो...

हरि दाहाल ‘ललित’ नेपालमा सामन्तवादका विरुद्ध नेपाली जनता निरन्तर लड्दै आएको इतिहास जीवितै छ । जनविद्रोहबाट नेपाली जनताले ठूला उपलब्धी हासिल

बागमतीका मुख्यमन्त्री जम्मकट्टेलले आज विश्वासको मत लिँदै

१० चैत २०७९, शुक्रवार रामेछाप– बागमती प्रदेशका मुख्यमन्त्री शालिकराम जम्कट्टेलले आज विश्वासको मत लिनु हुने भएको छ । शुक्रवार दिउँसो १ बजे बस्ने

संविधानलाई भष्म पार्ने प्रयास

महेश आचार्य १२ असोज, २०७९ वितेका केही दिनदेखि नागरिकता विधेयकका विषयमा व्यापक बहस छ, जुन अस्वाभाविक ढंगले सत्य भन्दा पनि तल गएर प्रचारात्मक ढंगले