२० असोज २०८३, मंगलवार
रामेछाप– रामेछापको लिखुतामाकोशी गाउँपालिका–२ सैपुमा कमेरो माटो निकाल्ने क्रममा माटोको ढिस्को खस्दा पुरिएर एक जनाको मृत्यु भएको छ । मृत्यु हुनेमा लिखुतामाकोशी गाउँपालिका–४ बिजुलीकोटका ३४ वर्षीय सोमबहादुर महत रहेको प्रहरीले जनाएको छ । प्राप्त विवरणअनुसार महत २०८३ असोज १९ गते मध्यान्ह करिब १२ बजे घरबाट कमेरो माटो लिन जान्छु भनी निस्किनुभएको थियो । उहाँ दिउँसो ३ बजेसम्म पनि घर नफर्किएपछि परिवार तथा स्थानीयले खोजी सुरु गरेका थिए ।
खोजीका क्रममा असोज २० गते दिउँसो करिब १२ः३० बजे घरदेखि करिब डेढ किलोमिटर उत्तरतर्फ रहेको कमेरो माटो निकाल्ने स्थानमा माटोको ढिस्को खसेको भेटिएको थियो । स्थानीय तथा सुरक्षाकर्मीको सहयोगमा ढिस्को पन्छाएर खोजी गर्ने क्रममा महतको शव फेला परेको हो । प्रारम्भिक विवरणअनुसार कमेरो माटो निकाल्ने क्रममा माथिबाट माटोको ढिस्को खसेर महत पुरिनुभएको देखिएको छ । घटनास्थलबाट शव निकालेर आवश्यक प्रक्रिया अघि बढाइएको जनाइएको छ । घटनाबारे थप अनुसन्धान भइरहेको प्रहरीले जनाएको छ । घटनाको विस्तृत कारण तथा माटो निकाल्ने क्रममा अपनाइएको सुरक्षाका उपायलगायत विषयमा समेत अनुसन्धान भइरहेको बताइएको छ ।

बडा दशैं अवसरमा धोबीमा विविध प्रतियोगिता आयोजना हुने

२१ असोज २०८३, बुधवार रामेछाप– बडा दशैं २०८३ को अवसरमा रामेछापको धोबीमा विभिन्न मनोरञ्जनात्मक तथा सिर्जनात्मक प्रतियोगिता आयोजना हुने भएको छ ।

रामेछाप नगरपालिका-१ का वडाध्यक्ष खत्रीद्वारा राजीनामा

२१ असोज २०८३, बुधबार  ​रामेछाप— रामेछाप नगरपालिका वडा नं. १ (गोठगाउँ) का वडाध्यक्ष रेखबहादुर खत्रीले आफ्नो पदबाट राजीनामा दिएका छन् । ​नगरपालिकाको

बेरुजु शून्यदेखि पर्यटन प्रवद्र्धनसम्मः सुनापतीमा प्रशासनिक सुधार र विकासको नयाँ अभ्यास

२१ असोज २०८३, बुधवार रामेछाप– सुनापती गाउँपालिकाले आर्थिक सुशासन, प्रशासनिक सुधार, विकास निर्माण, पर्यटन प्रवद्र्धन तथा सेवा प्रवाहलाई