२२ चैत २०८२, आइतवार
रामेछाप– सङ्घीय संसद् भवनको बहुउद्देश्यीय हलमा आइतबार बसेको प्रतिनिधिसभा बैठकले राष्ट्रिय स्वतन्त्र पार्टी (रास्वपा)का उपसभापति डोलप्रसाद अर्याललाई सभामुखमा निर्विरोध रूपमा चयन गरेको छ । सभाका ज्येष्ठ सदस्य अर्जुननरसिंह केसीले बैठकमा अर्याल निर्वाचित भएको औपचारिक घोषणा गर्नुभएको हो ।
सभामुख चयनका लागि रास्वपाका सभापति रवि लामिछानेले अर्यालको पक्षमा प्रस्ताव प्रस्तुत गर्नुभएको थियो । उक्त प्रस्तावलाई कानुन, न्याय तथा संसदीय मामिलामन्त्री सोबिता गौतम, अर्थमन्त्री डा. स्वर्णिम वाग्ले तथा भौतिक पूर्वाधार तथा यातायात मन्त्री सुनिल लम्सालले समर्थन जनाउनुभएको थियो ।
सभामुख पदका लागि अर्याल एक्ला उम्मेदवार रहनु भएकोले उहाँ निर्विरोध निर्वाचित हुनुभएको हो । उहाँले यसअघि फागुन २१ गते सम्पन्न प्रतिनिधिसभा निर्वाचनमा काठमाडौँ–९ बाट विजय हासिल गर्नुभएको थियो । साथै, अर्यालले यसअघि श्रम, रोजगार तथा सामाजिक सुरक्षा मन्त्रीको जिम्मेवारीसमेत सम्हालिसक्नुभएको छ । यसैबीच, प्रतिनिधिसभाको अर्को बैठक भोलि दिउँसो १ बजे बस्ने गरी स्थगित गरिएको छ ।
उता, राष्ट्रियसभाको बैठक केहीबेरमै बस्ने तयारी गरिएको छ। बैठकमा सभाध्यक्षले विषयगत समितिका सदस्यहरूको मनोनयन तथा हेरफेर गर्ने कार्यक्रम रहेको छ। साथै, अध्यक्ष र उपाध्यक्ष अनुपस्थित हुँदा बैठक सञ्चालन गर्ने सदस्यहरूको नाम पनि तोकिनेछ । कार्यसूचीअनुसार प्रधानमन्त्री बालेन्द्र शाह (बालेन) ले महिला आयोगको आर्थिक वर्ष २०८१÷८२ को वार्षिक प्रतिवेदन प्रस्तुत गर्ने कार्यक्रम रहेको सङ्घीय संसद् सचिवालयले जनाएको छ ।
 

बागमतीमा मन्त्रिपरिषद् विस्तारः ६ मन्त्रीले लिए शपथ

४ भदौ २०८३, बिहिवार रामेछाप– बागमती प्रदेश सरकारमा ६ मन्त्री नियुक्त भई पद तथा गोपनीयताको शपथ ग्रहण गरेका छन् । नव नियुक्त मुख्यमन्त्री किरण थापा

बागमती प्रदेशको मुख्यमन्त्रीमा किरण थापामगर नियुक्त

४ भदौ २०८३, बिहिवार रामेछाप– बागमती प्रदेशको मुख्यमन्त्रीमा किरण थापामगर नियुक्त भएका छन् । बागमती प्रदेशमा नेकपा एमालेका प्रदेशसभा सदस्य

कसरी घट्यो दोरम्बा हत्याकाण्ड ? घटनामा बाँचेका ललित भन्छन–पाँच कारणले घटना घटयो...

हरि दाहाल ‘ललित’ नेपालमा सामन्तवादका विरुद्ध नेपाली जनता निरन्तर लड्दै आएको इतिहास जीवितै छ । जनविद्रोहबाट नेपाली जनताले ठूला उपलब्धी हासिल