सामुदायिक भवनमा रक्सी भट्टी, स्थानीय सरकार लाचार
माघ ८,रामेछाप– रामेछापको सुनापतिमा स्वास्थ्य संस्थाकै आँगनमा रक्सी भट्टी सञ्चालन हुँदा बिरामी र स्थानीय मर्कामा परेका छन् । सुनापति गाउँपालिका वडा नं. २ दिमिपोखरीस्थित उपस्वास्थ्य चौकी भवन र वडा कार्यालयकै आँगनमा रहेको सामुदायिक भवनमा खुलेआम भट्टी पसल चल्दा स्थानीय मर्कामा परेका हुन् । उपस्वास्थ्य चौकी र वडा कार्यालयको आँगनमै वर्षाैदेखि भट्टी पसल चल्दा स्थानीय निकाय र प्रशासनले कुनै मतलब नगरेको पीडित र स्थानीयले गुनासो गरेका छन् ।
किराना पसलका लागि भन्दै धावा घिसिङ लामाले ३ वटा कोठामा वर्षाैदेखि भट्टी पसल चलाएका हुन् । वडा नं. २ का वडा अध्यक्ष कमलबहादुर केसीले स्वास्थ्य चौकीको आँगनमा भट्टी पसल चलिरहेको स्वीकार गर्दै गाउँलेले गुनासो समेत गरेको बताउनुभयो । यता सुनापति गाउँपालिका अध्यक्ष धावा लामाले आफूले कसैगरे पनि भट्टी पसल हटाउन नसकेको भन्दै लाचारी व्यक्त गर्नुभयो । वर्थिङ सेन्टर पालमा चलाएर स्वास्थ्यचौकीको आँगनको सामुदायिक भवनका ३ वटा कोठा ओगटेर बसेको भट्टी पसल हटाउन आफूले प्रहरी, प्रशासनलाई पटक पटक भनेपनि नसकेको अध्यक्ष लामाले बताउनुभयो । नाता र विभिन्न कारणले स्वास्थ्यचौकीको आँगनमा रहेको भट्टी पसल हटाउन नसकेको भन्दै अध्यक्ष लामाले प्रशासनलाई खबरदारी गरिदिन सञ्चारमाध्यमलाई नै आग्रह गर्नुभएको समाचार उत्पादक निगरानी समुह रामेछापले जनाएको छ ।
यता रामेछापका प्रमुख जिल्ला अधिकारी कृष्णप्रसाद शर्माले विद्यालय, स्वास्थ्यचौकी जस्ता कार्यालय वरपर नै मदिराजन्य होटल खोल्न नपाइने भन्दै यस्तो गैरकार्य रोक्ने बताउनुभयो । दिमीपोखरीको स्वास्थ्य चौकीको आँगनमा भट्टी पसल रहेको आफूलाई थाहा नभएको भन्दै उहाँले त्यस्तो पाइए तत्कालै सो पसल हटाउन प्रशासन लागिपर्ने प्रतिवद्धता जनाउनुभयो ।
वनमा लागेको आगो घरमा सल्किँदा रामेछाप चौकी टारकी रमिता तामाङको मृत्यु
२० वैशाख २०८१, बिहिवार रामेछाप– वनमा लागेको आगो घरमा सल्किँदा रामेछापको चौकी टारमा एक महिलाको मृत्यु भएको छ । बिहीबार दिउँसो वनमा लागेको आगो घरमा
लेखापरीक्षणमा समस्या हुँदा समयमा औषधी खरिद गर्न सकेनौंः स्वास्थ्य शाखा प्रमुख महतो
२० वैशाख २०८१, बिहीबार रामेछाप– लेखापरीक्षणमा समस्या हुँदा दोरम्बा सैलुङ गाउँपालिकाले समयमा औषधी खरिद गर्न नसकेको स्वीकार गरेको छ । चालु आर्थिक
स्वास्थ्य संस्थाहरूमा पर्याप्त औषधी छः स्वास्थ्य शाखा प्रमुख सुनुवार
१९ वैशाख २०८१, बुधवार रामेछाप– उमाकुण्ड गाउँपालिका अन्तर्गतका स्वास्थ्य संस्थाहरूमा पर्याप्त औषधी भएको पाइएको छ । गाउँपालिका अन्तर्गतका
प्रतिकृया दिनुहोस