माघ ४,रामेछाप– जिल्ला कारागार रामेछापले कार्यालयमा प्रयोग गरेको विद्युतको महसुल तिर्न नसक्दा विद्युत लाइन काटिने भएको छ । आर्थिक वर्ष २०७४/०७५ र चालु आर्थिक वर्षको सुरु देखि नै हाल सम्म करिब ८ लाख बराबर विद्युत महसुल बुझाउन नसकेको कारण कारागारको लाइन काटिन लागेको हो । गत आर्थिक वर्ष देखिकै रकम बाँकी रहेको र बुझाउनको लागि अनुरोध गर्दा समेत महसुल नबुझाइएको कारण पत्रचार नै गरेर लाइन काट्नु पर्ने बाध्यता आएको नेपाल विद्युत प्राधिकरण रामेछापका प्रमुख विनोद अधिकारीले बताए । तत्काल बाँकी रहेको महसुल नबुझाए जुनसुकै समयमा पनि विद्युत लाइन काटिने जानकारी सहित कारागारलाई पत्रचार गरेको प्रमुख अधिकारीले वताए ।

उता जिल्ला कारागारमा बजेट नभएको कारण विद्युत महसुल बुझाउन नसकिएको जिल्ला कारागार कार्यालय रामेछापका प्रमुख प्रमोद अधिकारीले बताए । बजेट अभाकै कारण खानेपानी र औषधी लगाएतको विल समेत तिर्न नसकिएको अधिकारीको भनाई छ । विद्युतको लागि भनेर वार्षिक २ लाख र खानेपानीको लागि २ लाख मात्र आउने गरेकोले कार्यालयमा हुने खर्चको सबै रकम तिन नसकिएको कारागार प्रमुख अधिकारले बताए ।

कारागारमा विद्युत प्रयोग गरे बापत मासिक १ लाख र खानेपानीको ४५/५० हजारको विल उठ्ने उनले बताए । कार्यालयमा खर्च अभाव भएको कुरा कारागार व्यवस्थापन विभागमा पटक–पटक जानकारी गराउँदा समेत सुनुवाई नभएको प्रमुख अधिकारीको भनाई छ । कारागारको समस्यालाई विभागले तत्काललै समधान नगरे कारागारमा ठूलो असर पर्ने प्रमुख अधिकारीले बताए ।
 

वाग्मती प्रदेश सकारले ८५ वटा पालिकाहरूलाई कृषि पकेट क्षेत्रका रूपमा विकास गर्दै छः मुख्यमन्त्री जम्कट्टेल 

रामेछाप- २७९ पौष २०८०, शुक्रबार  “रामेछापको दिगो विकास र अर्थतन्त्रको आधार ‘कृषि, जलस्रोत, पर्यटन तथा उद्योगको पूर्वाधार” भन्ने मूल नाराका साथ

एकीकृत अखिल नेपाल शिक्षक संगठन रामेछाप नगरपालिकाको तेस्रो नगर अबिधेशन सम्पन्न 

२० कात्तिक २०८०, सोमबार रामेछाप– एकीकृत अखिल नेपाल शिक्षक संगठन रामेछाप नगरपालिकाको तेस्रो नगर अबिधेशन सोमबार सम्पन्न भएको छ ।  कार्यक्रमका

मावि राकाथुम खाँडादेवि गाउँपालिकाको एस.ई.ई. नतिजामा उत्कृष्ट

२३ असार, २०८० शनिबार  रामेछाप/ लामो समयदेखि सामुदायीक विद्यालयको गुणस्तर खस्किरहेको विल्ला बोकेर चौतर्फि आलोचना खेपिरहेको अवस्थामा पछिल्लो समयमा